Мұрат Абенов Астанада қарумен ұсталған екі шетелдік туралы мәлімдеді

Ол бұл туралы Facebook парақшасында жазып, түнде Астана қаласындағы Хайвилл ауданындағы пәтерлердің бірінде ҚР ІІМ қызметкерлері екі шетел азаматын қарумен бірге ұстағанын мәлімдеді.

Жарияланған жазбада олардың жанынан мылтықтар мен тапаншалар табылғаны айтылған.

Сондай-ақ депутат Қазақстанның Бас прокуратурасы бұл жағдайдан хабардар ма деген сұрақты көпшілікке ашық қойған. Ол өз жазбасында оқиға әкімшілік және үкіметтік ғимараттардың маңында орналасқан ауданда болғанын ерекше атап өтті.

Жарияланған сәтте ІІМ, Бас прокуратура немесе басқа да мемлекеттік органдар тарапынан бұл жағдайға қатысты ресми түсініктеме берілген жоқ.