Шымбұлақта шаңғышы-журналистер арасында халықаралық жарыс өтеді

SCIJ (Халықаралық журналистердің шаңғы клубы) 31 ел мен үш континенттен үш мыңнан астам белсенді журналистерді біріктіреді.

Клуб президенті қызметін канадалық Фредерик Уоллас, ал бас хатшы ретінде бельгиялық Бруно Шмиц атқарады. Клубтың негізін қалаушы 1955 жылы саяси қайшылықтарды жеңу үшін спортты пайдалану идеясын ұсынған журналист және шаңғышы француз Жиль де Ла Рок.

Жыл сайын клуб мүшелері әлемнің ең жақсы тау курорттарында тау және шаңғы жарыстарын қамтитын жыл сайынғы кездесулер, сондай-ақ кәсіби және саяси мәселелерді талқылау үшін жиналады. 2023 жылы бұл шара Канадада Marble Mountain шипажайында өтсе, 2024 жылы Алматыда «Шымбұлақ» тау курортында өтпек.

«Біз SCIJ халықаралық отырысын өткізу құқығын 2020 жылы жеңіп алдық. Бірақ пандемияға байланысты оны 2021 жылдан 2024 жылға ауыстыруға тура келді. Халықаралық клубтың қазақстандық филиалының журналистері шетелдегі әріптестерінің елімізде ерекше әсер алып кетуі үшін көп күш жұмсауда», - деп түсіндірді SCIJ Қазақстан президенті Ирина Баженова. 

Кездесуде саяси және кәсіби тақырыптар талқыланады. Кездесу өткізген елдің жетістіктері, салт-дәстүрлері, мәдениеті мен ұлттық тағамдарымен танысады. Қысқасы, әр елдің журналистері бір-бірімен етене танысуға мүмкіндік алады. 

Кездесудің басты себебі журналистер арасындағы тау және шаңғы жарысы болмақ. Кездесуді өткізудегі серіктестер «KazakhTourism» ұлттық компаниясы мен «Шымбұлақ» тау курорты. Шараның өтуіне Алматы туристік бюросы, Kaspi Bank, Orbis Auto, Everest Development, Lotte-Rakhat, Еуразиялық сақтандыру компаниясы және Turkish Airlines демеушілік жасайды. 

SCIJ клубына Қазақстан 2013 жылы қабылданды, содан бері қатысушылар саны 45 адамға дейін өсті. Клубтың қазақстандық бөлімі халықаралық іс-шараларға қатысу және бұқаралық ақпарат құралдарында жариялау арқылы қысқы спорт түрлерін, еліміздің туристік әлеуетін және жетістіктерін белсенді түрде насихаттайды.