Трамп, Путин және Си Цзиньпин алғаш рет үшжақты кездесу өткізбек
АҚШ, Қытай және Ресей басшылары тарихта алғаш рет үшжақты кездесу өткізуі мүмкін.
Ақ үйдің мәліметінше, Дональд Трамп Қытай төрағасы Си Цзиньпинмен және Ресей президенті Владимир Путинмен алдағы аптада жүздеседі. Кездесудің негізгі тақырыбы – ядролық қаруды таратпау және оны қысқарту мәселесі.
Ақ үйдің екі жоғары лауазымды өкілі президенттің алдағы сапарына қатысты жоспарларымен бөліскен. Олардың айтуынша, Трамп келесі аптаның басында Манилада өтетін Оңтүстік-Шығыс Азия мемлекеттері қауымдастығының саммитіне қатысады. Одан кейін Қытайдың Шэньчжэнь қаласына барып, Азия-Тынық мұхиты экономикалық ынтымақтастығы конференциясы аясында Си Цзиньпинмен кездеседі. Бұдан бөлек, Ресей президенті Владимир Путинмен де жүздесу жоспарланған.
CNN Politics басылымы мұндай форматтағы кездесу үш ел басшылары тарихында алғаш рет өтетінін атап өтті. Ал The New York Times басылымы кездесудің Қытайдағы АТЭС саммиті аясында ұйымдастырылатынын хабарлады.
Ақ үйдің баспасөз хатшысы Оливия Уэйлстің айтуынша, тараптар бірнеше мәселені талқылағанымен, басты назар әлемдегі ядролық қару көлемін қысқартуға аударылады. Дональд Трамп ядролық қарудың таралуын аса қауіпті құбылыс деп санайды және ірі ядролық державалар арасында жаңа келісім жасасуға мүмкіндік бар деп есептейді.
