Түркістан облысында 5 жасар қызды өлтірген педофилге үкім шықты

Басылым журналистерінің айтуынша, сотталушы кінәлі деп танылып, өмір бойына бас бостандығынан айырылды. Сот шешімімен сотталушы химиялық кастрация жасалады.

Түркістан облысының қылмыстық істер жөніндегі мамандандырылған ауданаралық сотының судьясы Дәурен Мадалиевтің мәлімдеуінше, сотталушы жазасын қатаң режимдегі мекемеде өтейтін болады.

Айта кетейік, бұл іс бойынша сот тергеу изоляторында өтті. Бұл оқиға қоғамдық резонанс тудырды, сондықтан процеске қатысушылардың қауіпсіздігін қамтамасыз ету және барлық шектен шығушылықтардың жолын кесу мақсатында сот тергеу изоляторының аумағында өтті.

Еске салайық, қайғылы оқиға биыл шілде айында Сарыағаш ауданы, Жібек жолы ауылында болған еді. Қыздың ата-анасы баланың жоғалғаны туралы полицияға хабарлаған. Бүкіл ауыл сәбиді іздеді. Жедел іздестіру іс-шаралары барысында полицейлер оның денесін жарақаттарымен ауыл тұрғындарының бірінің үйінен тапты.

Қызды өлтірген күдікті 2006 жылы кісі өлтіргені үшін сотталып, 10 жылға бас бостандығынан айырылғаны хабарланды. 2023 жылдың мамыр айында ішімдік ішіп отырып, ауылдасын балтамен ұрғаны үшін сотталған. Сот күдіктінің жәбірленушімен татуласқанын ескеріп, оған үш жыл бас бостандығын шектеу жазасын тағайындаған.

Жоғарғы сот 2023 жылдың мамыр айында жас қызды өлтірді деген күдіктінің заңсыз үкім шығару фактісі бойынша қызметтік тексеру жүргізді. Тексеру қорытындысы бойынша Түркістан облысы Сарыағаш аудандық сотының төрағасын қызметінен босату туралы мәселе қозғалды.