Уиткофф Зеленскиймен келіссөз жүргізу үшін Норвегияға барды
АҚШ президентінің арнайы өкілі Стив Уиткофф Норвегияға барды.
Ол Украина президенті Владимир Зеленскиймен өтетін келіссөздерге қатысады. Ал Джаред Кушнер денсаулығына байланысты кездесуге қашықтан қосылады.
Украина атынан келіссөздерге Кирилл Буданов, Рүстем Умеров, Павел Палиса және Андрей Сибига қатысады. Кездесуге Финляндия президенті Александр Стубб пен Норвегия премьер-министрі Йонас Гар Стёре де қатысып жатыр.
Келіссөздерден кейін Стив Уиткофф Мәскеуге аттанады. Ресей президентінің баспасөз хатшысы Дмитрий Песковтың айтуынша, Кремль алдағы уақытта Владимир Путиннің АҚШ президенті Дональд Трамптың арнайы өкілдерімен кездесуін күтеді.
Тараптар америкалық делдалдардың Украина және Еуропа өкілдерімен өткізген кездесулерінің қорытындысын талқылап, негізгі мәселелер бойынша өз ұстанымдарын ортаға салуды жоспарлап отыр.
