Украина 18 жастан асқан еріктілермен келісімшарт бекітеді

Украинаның министрлер кабинеті елдің қорғаныс күштерінде қызмет етуге ниет білдірген 18-24 жас аралығындағы еріктілер үшін бір жылдық келісімшартты бекітті. Бұл туралы Қорғаныс министрі Рүстем Умеров Facebook желісінде хабарлады. «Біз армияны кадрлық қамтамасыз етудің заман талабына сай жаңа жүйесін құрудамыз.

18 бен 24 жас аралығындағы еріктілер үшін бір жылға жасалған келісім-шартта әскери бөлімде алғашқы жалпы әскери дайындық, кәсіби дайындық және бейімдеу курсынан өту қарастырылған.

Еріктілерге 1 миллион гривен  «біржолғы материалдық көмек» ретінде төленеді, оның ішінде: келісім-шартқа қол қойғаннан кейін 200 000 гривен, оқуды аяқтағаннан кейін 300 000 гривен және әскери бөлімшелер тізімінен шығарылған күні 500 000 гривен. Сондай-ақ 120 000 гривенге дейінгі «ай сайынғы ақшалай жәрдемақылар», қызметті аяқтағаннан кейін 0% ипотека алу мүмкіндігі және бірқатар әлеуметтік кепілдіктер қарастырылған.