Үндістанда екі сағатта 61 мың найзағай түсіп, 12 адам қаза тапты

Бұл туралы independent хабарлады.

Одиша апаттарды басқару басқармасының мәліметі бойынша, бұлттан бұлтқа 36 000-нан астам найзағай соғуы және бұлттан жерге 25 000-нан астам найзағай түсуі байқалды.

Найзағайдан 12 адам қаза тауып, 14 адам жарақат алды. Штат үкіметі қаза тапқандардың отбасыларына 400 000 рупий (4,8 000 доллар) көлемінде өтемақы төлейтінін жариялады.

Найзағай Бенгал шығанағының үстіндегі белсенді циклонның әсерінен болды. Үндістанның шығысында муссондық маусымда найзағай жиі болғанымен, бір күндегі найзағайдың мұндай мөлшері бұрын-соңды болмаған.

Үндістанның метеорологиялық департаменті Бенгал шығанағындағы циклондарға байланысты төтенше ауа райының 7 қыркүйекке дейін жалғасатынын жұртшылыққа ескертті.

Сонымен қатар, зерттеулер теңіз деңгейінің көтерілуіне байланысты ғасырдың соңына қарай найзағайдың өліміне әкелетін соғулардың көбеюін болжайды. Климаттың жылынуы дауыл сияқты экстремалды ауа райына әкеледі. Калифорния университетінің 2015 жылы жарияланған зерттеуіне сәйкес, температураның әрбір 1°C жоғарылауы найзағай соғу жиілігін 12 пайызға арттырады.