«Жас Алаш» жарқыратқан қыз

Бұл нөмірде тұңғыш ретөткізілген  «Қыз сыны» байқауының басжүлдесін иеленген 15 жасар Ләззәт Ахатовамен сұхбатты бірінше беттежариялағанбыз. 21 қыздың арасынан топ жарып, ақыл-парасаты, өнеріменерекшеленген аруды ел-жұртқа осылай таныстырдық. Халқымыздың руханиқұндылықтарын ұрпаққа насихаттаудың ерекше жолын осылай таптық. Қазақ аруыныңата-анасы  Күләш пен Кендебай да бұлұсынысымызды құптап: «Ләззаттың қазақ қыздарына өнеге көрсеткеніне ризамыз.Осылар арқылы қаншама бойжеткен жақсылыққа ұмтылады, ата-анасының, ағайынның,тіпті ұлт қадірін біліп, қыздарға тән қасиетті бойына сіңіреді. Рахмет,айналайын! Міне, көз нұрымыз біздің ғана емес, бүгіннен бастап дүйім қазақхалқының қалаулы қызы болды. «Көзайым» деп қалаған, топ арасынан таңдағанкөпшіліктің өзі.  Қиын да қызықтысәтте  қолдаушы да, қорғаушы даболған  көрермендерге мың да бір рахмет!»– деген-ді.

Осылайша 15 жасында топ жарғанЛәззәт сол биігінен аласарған жоқ. Жетісай қаласындағы педагогика училищесінің  ән және музыка бөлімін бітірді. Баян мен домбыратартып,  өнерге жақындығын байқатты.Бірақ, уақыт өте келе ҚазМУ-дың филология, кейін заң факультетін  бітірді.

Әсемпаз болма, әрнеге,

Өнерпаз болсаң, арқалан.

Сен де бір кірпіш, дүниеге,

Кетігін тап та, ба, қалан! – депАбай атамыз айтпақшы, өмірден өз орнын тапты.

«Лениншіл жас» – қазіргі «Жас Алаш»сол жылдары байқауда бақ сынаған барша қазақ қыздарының маңдайын жарқыратты.Бұл төңіректе Ләззәт: «Байқаудан байқағанымыз, қыздардың бойында ұлттық намысоянды. Қазақтың барша қызының абыройлы, әдепті, инабатты, бақытты болуы үшінсүйікті газетіміз бірінші болып біз қатысқан байқауды елге керемет насихаттады.

Мұқағали ағамыз:

Жимайды-ау шашылған бір  шуақтарын,

Саясына келеді-ау шуақтағың.

Жамандыққа қиясың қалай ғана,

Жайнаған бір-бір үйдің шуақтарын,– демекші, бәріміздің жақсы болуымызды рухани жағынан қолдады, – дейді.

Бірде ол редакцияға сәлем берекелген-ді. Сонда: «Дәл қазір сені не толғандырады?» деген сауал қойғанбыз. Ол: «Менікөп нәрсе толғандырады. Әділдіктің ақ туын жоғары ұстаған қазақтың зиялы қауымытөрешілік еткен сында жеңіспен қоса үлкен жауапкершілік арқалап шыққан едім.

Сұлулыққа табынған халқым меніеркелетіп, әлпештесе, мен де халқымның намысын қорғауға тиіспін. Ел мен жер,тіл мен діл, дінімізді сақтауға, қорғауға атсалысуды абыройлы іс санаймын.Әсіресе замандастарымынң  болашағытолғандырады. Жігіттер аруларымызды аялап, өкіндірмесе екен», – деді.

Сол қазақ аруымен әлі күнгебайланысымызды үзген жоқпыз. Ләззәт бір жылдары Шымкентте заң университетіндедәріс берді. 2004 жылы кандидаттық диссертация қорғады. Түркістан облыстық  мамандандырылған  ауданаралық экономикалық сотында судьяқызметін атқарды. Бүгінде Ләззәт Ахатова елімізге белгілі заңгер. Көптегендаулы мәселелерді шешуге,  шырылдағаншындықты айтып, әділдіктің салтанат құруына атсалысып жүр. Көп балалы ана.

Міне, «Жас Алаштың» байырғы оқырманы,керемет кейіпкері Ләззәт Кендебайқызы бүгінде Нұр-Сұлтан қаласында тұрады.

Жолдасбек ДУАНАБАЙ