Журналист Лұқпан Ахмедьяровты Ресей ІІМ-нің өтініші бойынша полиция ұстады

Бұл туралы журналистің әріптесі, «Просто журналистика» YouTube-арнасының авторларының бірі Рауль Упоров журналист Вадим Борейкоға хабарлаған.

Упоровтың айтуынша, Лұқпан Ахмедьяров оған телефон шалып, өзін полиция қызметкерлері тоқтатқанын айтқан. Тәртіп сақшылары журналистке оны Ресей Ішкі істер министрлігі іздестіріп жатқанын хабарлаған.

«Лұқпан оған қатысты қылмыстық істі Мәскеу облысының ІІМ-і 2025 жылғы 25 желтоқсанда қозғағанын айтты. Осы іс аясында Орал қаласының полициясы оны жауап алуы мүмкін», – деп жазды Рауль Упоров.

Әзірге Қазақстанның құқық қорғау органдары мен Ресей тарапы бұл ақпаратқа қатысты ресми түсініктеме берген жоқ.