«Абай тігін фабрикасы кімге керек?»

Арайлым ЕРКЕБАЕВА

11.08.2021, 09:16

2126

Абай қаласының көптеген тұрғынын жұмыспен қамтып отырған Абай тігін фабрикасының бастығы Нұрхан Жұмабеков «мемлекеттік органдар тарапынан аяқтан шалу басталды ма?» деп дабыл қағады.       Абай қаласындағы тігін фабрикасын соңғы жылдары жаңартып, тұралап қала жаздаған өндірісті сақтап қалған кәсіпкер Нұрхан Жұмабеков «мемлекеттік органдар тарапынан бюрократтық әурелеуге тап болдым» деп көмек сұрайды. Бүгінде мәселенің бір ұшы салық комитеті тарапынан шығып тұр. Кәсіпкердің айтуынша, тігін фабрикасын салық тарапы мемлекетке шығын келтіреді деп есептеген.      

– Мемлекет сақтай алмаған фабриканы жылдар бойы қалпына келтіріп,  жұмыс орындарын ашып, салық төлеп отырғанда мемлекетке шығын келтіремін деп ойламаппын. Шілде айында салық органдарынан  «фабриканың жұмысын шығын әкелуге қаупі бар бөлікке жатқызады» деген мағынадағы үш хат алдым. Бұған соңғы үш жылда кәсіпорынның пайдасы болмаған деген себеп келтіреді. Мен соңғы жылдары фабриканы өз қаражатыма жөндетіп келемін, ол менің қаржым әрі табысым», – деп мәлімдеді кәсіпкер Нұрхан Жұмабеков.     

  Жалпы, Абай қаласындағы тігін фабрикасы кеңестік кездің өзінде жұмысы дүрілдеп тұрған танымал кәсіпорын еді. Оның жұмысы 1969 жылы басталған екен. Тек тоқырауға түскен кезеңде нарыққа төтеп бере алмаған фабриканы 1997 жылы банкрот деп жариялап, 2003 жылы кәсіпорынды таратып жіберген. Кәсіпкер 2017 жылы фабриканы банкте кепілде тұрған жерінен сатып алған. Есік-терезесіне дейін тоналған фабриканы күні бүгінге дейін жөндеп келеді. Абай тұрғындары да шағын қаладан жұмыс тапқандарын көңілге демеу қылып отыр.

        Алайда соңғы уақытта Нұрхан Жұмабеков салық органы тарапынан қиындықтар туындай ма, сөйтіп, өндіріс қайтадан тұралап қала ма деп дабыл қағады. Алайда мемлекеттік кіріс комитеті кәсіпкер салық органдарына есеп бергенде табыстың орнына бірнеше жыл қатарынан шығынды көрсетіп келген деп отыр. Осының салдарынан фабрика шығыны басым өндіріс қатарына түсіп қалған. Сонымен қатар кәсіпкер соңғы уақытта өзінен тапсырыс алған компаниялар үшін де қиындық туғанын айтады. Мұндай компаниялар тігін фабрикасымен арадағы келісімшарттың заңды екенін салық органдарына дәлелдеп отырулары қажет екен. Кәсіпкер мұндай әрекеттен шаршағанын айтып дабыл қағуда. Ол өзінің фейсбук парақшасында президент Қасым-Жомарт Тоқаевтан тігін фабрикасынан киім сатып алуын өтінеді.

Тегтер: фабрика тігін цех жеңіл өнеркәсіп

ҰҚСАС ЖАҢАЛЫҚТАР

Сайт әкімшілігі 08.08.2022, 18:37
Қытайда жаңа вирус шықты
Сайт әкімшілігі 08.08.2022, 13:41
Алматы облысында жантүршігерлік жол апатынан 5 адам қаза тапты
Сайт әкімшілігі 08.08.2022, 09:11
Оралдағы кәсіпкер өлімі: күдіктілерді іздеуге әскерилер тартылды
Ерзия ЕРСҰҢҚАР 06.08.2022, 09:28
Төтенше жағдай қызметі заманауи талаптарға бейімделіп үлгеруде
Сайт әкімшілігі 04.08.2022, 13:22
Ақтауда полицейді пышақтап кеткен күдікті ұсталды
Сайт әкімшілігі 03.08.2022, 19:42
Әлемде маймыл шешегі өршіп барады

Аңдатпа


  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49
  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55
  • «Қазақстан халқына» қорынан халыққа пайда бар ма?!
    03.08.2022, 08:59
  • «Аллаһу акбар деп айқайлаған»: Жамбыл облысында сотталушы түрменің үш қызметкерін жаралады
    02.08.2022, 08:47