«Агрофирма Түрікпеннің» малшылары 180 мың теңге жалақы алады

Сайт әкімшілігі

24.12.2020, 19:13

495

Жамбыл облысы негізінен ауыл шаруашылығы саласына қолайлы аймақ болғандықтан, мұнда асыраушы саланы алға бастыратын бастамалар көп. Олар мемлекет қолдауының нәтижесінде жыл сайын өркен жайып, өрістеп келеді. Мәселен, Мойынқұм ауданында орналасқан «Агрофирма Түрікпен» ЖШС бұл күнде асыл тұқымды мал бағып, санын көбейтумен айналысуда.

Бүгінде тірлігі тіктеліп, шаруасы шалқыған серіктестік мал басын көбейтіп қана қоймай, жергілікті жұртшылықты да жұмыспен қамтуда. Аталған шаруашылық осыдан 20 жыл бұрын, яғни 2000 жылы құрылған екен. Нәсібін кәсіптен тауып отырған шаруашылық басшысы Бауыржан Әбілдаев кәсібін дамытып қана қоймай, еңбек адамдарына да тиісті жағдай жасап отыр. Бүгінде «Агрофирма Түрікпен» шаруашылы­ғында 74 адам жұмыс істейді. Мал­шылардың орташа айлығы – 180 мың теңге.

Қазіргі кезде аталған шаруа­шылықта мал саны 6 225 бас мүйізді ірі-қараға жеткен. Сон­дай-ақ серіктестікте 724 бас жылқы және 680 бас ұсақ қара мал басы бар. Оның ішінде 5 334 бас қалмақ сиыры мен 930 бас қазақтың ақбас сиыры бар. Ал 2015-2020 жылдар ара­лы­ғында салынған жалпы инвес­ти­ция көлемі 3 миллиард теңгеден асқан. Оның ішінде асыл тұқымды мал сатып алуға 2,5 миллиард теңге инвестиция салынған. Сонымен қатар техника сатып алуға 200 миллион, ал қоражай, құдық, ұңғыма және малшылар үйін салуға 400 миллион теңге көлемінде қаржы жұмсалған. Ауылшаруашылық мақсатында 6 бірлік трактор, 13 бірлік тіркемелі шалғы, жатка, пресс-жинаушы, тиегіш, арба және тырма бар. Сондай-ақ 4 бірлік КамАЗ, HOWO, Huanghe ауыр жүк көлігі алынған. Аталған шаруашылықта 131 ЗиЛ, 12 жеңіл автокөлік жұмыс істейді. Жалпы, жер көлемі 12 508 0,44 гектарды құрайды. Оның ішінде 120 192,26 гектар жайылым, 4 888,18 гектар егістік жер бар. Талай жылдан бері тынымсыз еңбек етіп келе жатқан серіктестік бұл күнде дамыған, көркейген шаруа­шылықтардың қатарында.

Еңбек адамдарының ерлік­пен бірдей еселі еңбегі ел бас­шылығының тарапынан да тиіс­ті деңгейде бағалануда. Биыл Мемлекет басшысының Жар­лығымен «Агрофирма Түрікпен» жауап­кершілігі шектеулі серік­тестігі «Құрмет» орденімен марапатталды. Жоғары мәртебелі сыйлықты Тәуелсіздік күні­не орай Тараз қаласындағы «Баласағұн» орталық концерт залын­да өткен салтанатты жиында Жамбыл облысының әкімі Бердібек Сапарбаев атал­ған серіктестіктің басшысы Бауыр­жан Әбілдаевқа арнайы тапсырды. Бұл құрмет те талай жылғы төккен тердің, аянбай еткен еңбектің жемісі екенінде дау жоқ.

Тегтер:

ҰҚСАС ЖАҢАЛЫҚТАР

Сайт әкімшілігі 09.04.2021, 14:05
Маңғыстау тас жолында әскери ұшақтар: Қорғаныс министрлігі мән-жайды түсіндірді
Сайт әкімшілігі 09.04.2021, 12:55
Алматы облысында карантин күшейді
Бақытжан ӘБДІРАШҰЛЫ 09.04.2021, 11:44
Әйтеновтің «А» сценарийі
Арайлым ЕРКЕБАЕВА 09.04.2021, 09:03
Ашынғаннан шыққан ащы дауыс
Сайт әкімшілігі 08.04.2021, 13:50
Нұр-Сұлтанның бас санитары Рамазан айы қарсаңында тұрғындарға үндеу жасады
Арайлым ЕРКЕБАЕВА 08.04.2021, 13:05
Бас санитарлық дәрігерді сотқа берді

Аңдатпа


  • Жылқы бағып, мотоцикл мінген әзиз әжелер
    08.04.2021, 14:24
  • Ашынғаннан шыққан ащы дауыс
    09.04.2021, 09:03
  • Семейде 170 жаңа автобустың 70-і жүруге жарамай тұр
    08.04.2021, 09:08
  • Қонаевқа неге соқтыға береміз? Досановтың романы: қайран тіл, қайран сөз
    06.04.2021, 09:16
  • «Көзіңді құртып жіберемін»
    05.04.2021, 16:19