Ералы Тoғжанов: Амбулаториялық-емханалық қызметті нығайтуға баса назар аударуымыз керек

Сайт әкімшілігі

17.03.2022, 19:16

1169

Ералы Тоғжанов медициналық қызметтердің сапасы мен қолжетімділігін арттырудың маңыздылығын атап өтті.

ҚР Премьер-Министрінің орынбасары Ералы Тоғжанов жұмыс сапарымен Алматы қаласы Қоғамдық денсаулық басқармасының №7 Қалалық емханасына барды.

Сапар аясында Премьер-Министрдің орынбасары Ералы Тоғжанов емхана бөлімшелерін, соның ішінде оңалту орталығы мен күндізгі стационарды қарап шықты. Тексеру барысында емханалардағы медициналық көмектің сапасы мен қолжетімділігі мәселелері талқыланды, халық арасында аурулардың алдын алуға ерекше назар аударылды. Ералы Тоғжанов МСАК-тың денсаулық сақтауды дамытудағы және халықтың денсаулығын сақтаудағы маңыздылығын атап өтті.

«Біз стационарлық көмекке жұмсалатын орасан зор шығыстарды көтеруден гөрі, аурулардың алдын алу мен профилактикасына жұмыс істеуге тиіспіз, бұл кеш анықтау мен диагностиканың салдарынан тиімсіз болуы мүмкін. Сондықтан біз амбулаториялық-емханалық қызметті нығайтуға баса назар аударуға тиіспіз және осы бағыт бойынша жоғары стандарттарды бізге университет бар Алматы қаласын, іс жүзінде барлық республикалық орталықтар мен тиісінше елдің үздік кадрлары шоғырландыруы тиіс", — деп атап өтті Ералы Тоғжанов.

Премьер-Министрдің орынбасары халыққа көрсетілетін медициналық қызметтердің сапасы мен қолжетімділігін одан әрі арттыру, «Дені сау ұлт» Ұлттық жобасы бағытында көрініс тапқан аурулардың алдын алуды күшейту жөнінде ұсыныстар дайындау жөнінде бірқатар тапсырмалар берді.

№7 Қалалық емхана алғашқы медициналық-санитариялық, консультациялық-диагностикалық, оның ішінде бекітілген ересектер мен балаларға мамандандырылған көмек көрсететін аралас үлгідегі емхана болып табылады. Тіркелген халық саны — 51000 адам, оның ішінде 29865 (60%) студенттер.

Айта кетейік, емхана қызметкерлері қаңтар айындағы оқиғалар кезінде өздерінің кәсіби борыштарын орындауға белсенді қатысып, зардап шеккендерге көмек көрсетті. Осыған байланысты Ералы Тоғжанов еліміз үшін қиын сәтте емхананың медицина қызметкерлерінің жұмысын ерекше атап өтіп, оларға алғысын білдірді.

Тегтер:

ҰҚСАС ЖАҢАЛЫҚТАР

Сайт әкімшілігі 16.05.2022, 17:47
Республикалық референдумға қатысу – азаматтық борыш
Айтбала СҮЛЕЙМЕНҚЫЗЫ 16.05.2022, 16:50
Қарағандылық шаруалар қауырт қимыл үстінде
Әділ АҚЫЛБАЙ 13.05.2022, 11:45
Отандық спортқа отандық бизнес демеуші
Айтбала СҮЛЕЙМЕНҚЫЗЫ 12.05.2022, 17:11
Қайырымдылық қоғамға пайдалы
Арайлым ЕРКЕБАЕВА 12.05.2022, 08:07
Сатылған бақтан бақ тайды ма?..
Сайт әкімшілігі 10.05.2022, 06:43
Қостанайда 11 отбасы баспанасыз қалды

Аңдатпа


  • Мәскеуменен Тәшкеннен көш келеді
    12.05.2022, 08:30
  • Әскердегі әлімжеттік пе, әлде?..
    12.05.2022, 08:12
  • Сатылған бақтан бақ тайды ма?..
    12.05.2022, 08:07
  • Қазақша оқыт балаңды!
    05.05.2022, 05:30
  • "Өгіз мүдде"
    05.05.2022, 05:27