Онлайн сауалға оңтайлы жауап

Сайт әкімшілігі

25.08.2020, 11:37

252

Шымкент қаласының әкімі Мұрат Әйтенов азаматтарды жеке мәселелері бойынша онлайн қабылдау өткізді.

Қала басшысының онлайн қабылдауында болған Ақпан Жұмаділлә  Ақтас-2 шағын ауданындағы инфрақұрылым және интернет мәселесін қозғады.

«Ақтас-2 шағын ауданына ауыз су, табиғи газ берілуі бойынша аудан әкімдігіне өтініш берілген. Алайда әлі күнге дейін мәселеміз шешілмей келеді және жаңа оқу жылына қарай интернет жайы да шешілсе екен», — деді ол.

Мұрат Әйтенов аталған шағын ауданға ауыз су жүргізу үшін жобалық сметалық құжаттары дайындалып жатқанын жеткізді.

«Табиғи газ желісі құрылысының жобасы әзірленіп, маусым айында жұмыстар басталған. Сараптама қорытындысы шықса, бюджеттен қаржы қаралып, газ құбырларын тарту жұмыстары жүргізіледі. Ал интернетке келер болсақ, қалада 43 нүктеге байланыс станциясын орнату жұмыстары жүргізілуде. Соның ішінде Ақтас-2 шағынауданына да орнатылатын болады» — дейді әкім.

Сондай-ақ, онлайн қабылдауы барысында жер учаскесін заңсыз басқа азаматтарға берілгенін айтқан Ұлболған Мелдебаеваның мәселесін қала әкімі жеке бақылауына алды. Мұрат Дүйсенбекұлы тұрғынның арызы бойынша Ауыл шаруашылығы министрлігінің жер ресурстарын бақылау комитетіне тиісті тексеру жүргізу үшін хат жолданғанын, тексеру нәтижесі бойынша заңға сәйкес жұмыс жүргізілетінін айтты.

Қала әкімінің азаматтарды онлайн қабылдауы барысында жол құрылысы, тұрғын үй кезегіне қатысты тұрғындардың арыз-шағымы тыңдалды. Мұрат Әйтенов басқарма басшыларына заң аясында тиісті шара қолданып, азаматтардың сауалына оңтайлы жауап берілуін тапсырды.

Тегтер:

ҰҚСАС ЖАҢАЛЫҚТАР

Сайт әкімшілігі 23.05.2022, 10:30
Келесте 14 мал ұрлығына қатысы бар топ ұсталды
Сайт әкімшілігі 23.05.2022, 09:43
Коронавирус жұқтырған жеті қазақстандық ауыр жағдайда жатыр
Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда

Аңдатпа


  • НӘН-байдың заманы мен зауалы
    20.05.2022, 08:09
  • Амалбек Тшанов: Бұлардың көзқұрты – колледжің жері
    20.05.2022, 08:01
  • Келесте 14 мал ұрлығына қатысы бар топ ұсталды
    23.05.2022, 10:30
  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56