Қарабалаев қайтер екен?

Нұрболат ӘЛДИБЕК

09.03.2021, 09:36

1618

Газетіміздің өткен нөмірлерінде, "Жақсылықов жақсы әкім бола алмай отыр" «Ергебеков Жуалыны тоздырып жіберді» атты мақалалар жарияланғаны белгілі. Аталған мақалада «Өңір басшысы Бердібек Сапарбаев «Жұмысын үйлестіре алмай отырған әкімдер деп, мен Тараз қаласының, Жуалы, Меркі және Сарысу аудандарының әкімдерін айтар едім» деп жауап берді. Бұл сөз жұртшылыққа «жақын күндері аталған әкімдерқызметінен босайды» деп естілгендей болды» деп жазған едік.

     «Құланның қасуына мылтықтың басуы» дөп келді ме, әйтеуір, ауыз жиып үлгергенше Жуалы және Меркі аудандарының, артынша Сарысу ауданының әкімі қызметімен қош айтысып, олардың ешбіріне басқа жерден былғары орындық бұйырған жоқ. Енді «Қарабалаев қайтер екен» деп, екі көзі төрт болмаса да, елеңдеп отырғандар көп.

     Жалпы, бұған дейін де Айтқазы Дәулетқұлұлын бірнеше рет қызметінен кетіп жатыр екен дегенімен, «больничныйдан» соң, көне шаһардың жарығы жоқ, ой-шұқыры көп көшелерін аралап, тұрғындардың мәселелерін тыңдап, жаңа екпінмен жапыра жұмыс істеп, бел шешіп кірісіп кететінін көзіміз көріп жүр. Бірақ «бұл ән бұрынғы әннен өзгерек» демекші, бұл жолы Қарабалаевтың басына үйірілген қара бұлт қалың сияқты. Өйткені көне шаһардың тізгінін облыс әкімінің әлеуметтік салаға жауапты орынбасары, өңірге Сапарбаев өзімен бірге жетектей келген Ержан Жылқыбаев ұстайды деген әңгімені Әулиеатада айтып жүргендер көп. «Әй, Жылқыбаев әлін білсін, ол орынға экс-мәжілісмен Қожахан Жабағиев «жүгіріп» жатыр» деп екінші біреулер тон пішуде. Олардың ойынша, «Жабағиев «жүгірсе» жетеді, күрессе жеңеді».

       Не десек те, қазір Қарабалаев ресми түрде кетпесе де, ол орынға осылайша қызу тартыс жүріп жатқандай. Өйткені «жұмысын үйлестіре алмай отырған әкімдер» деп, Сапарбаев атаған төрт әкімнің Айтекеңнен өзге үшеуі ертесіне-ақ топ ете қалғаны белгілі. Дегенмен шегесі жуан, шатыры мықты дейтін Қарабалаев осы жолы қайтер екен деп, жоғарыда айтып өткеніміздей, елеңдеп отырғандар көп.   

Тегтер: әкім тағайындау кадр маман мәселесі

ҰҚСАС ЖАҢАЛЫҚТАР

Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда
Айтбала СҮЛЕЙМЕНҚЫЗЫ 19.05.2022, 08:27
Қарағандыдағы 7330 үй басқарудың жаңа жүйесіне енуге қауқарлы
Кемел ЖАН 18.05.2022, 13:35
«Жаңа Қазақстанның» мақсаты – парасыз мемлекет құру

Аңдатпа


  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56
  • Балалар жылында балалар неге шеттетіледі?
    19.05.2022, 08:40
  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17