Қарағанды облысы желтоқсан айында цифрлық эфирлік хабар таратуға көшеді

Айтбала СҮЛЕЙМЕНҚЫЗЫ

08.11.2021, 18:37

378

Заманауи технологиялардың үдемелі қарқынмен дамуы теледидар саласына да келді. Әлемді өзгерткен алғашқы  анолгтық желіге көшу  елімізде 2018 жылы басталды.  Бұл жүйе бойынша  республика халқын қамту деңгейі 91,11%-дан асты. Аналогтық хабар тарату теледидар пайда болғаннан бері қолданылып келеді. Мамандардың айтуынша, оның айырмашылығы экрандағы бейненің түсі мен дыбыс ағынының амплитудасының, жілігінің сондай-ақ, фазасының жылдам өзгеруімен аңғарылады.  Сондықтан ол талап үрдісінен шығып қалып отыр.

— Аналогтық цифлық  хабар таратуда  сигнал үздіксіз диапазонда өзгереді және сыртқы ортаның тойтарысына шыдас беруге қауқарсыз. Нақты айтқанда,  тосын табиғат құбылыстарына қарсы тұра алмайды. Нәтижесінде  эрандағы сурет бұрмаланады. Егер сигнал өте ұзақ қашықтыққа берілсе, суреттің жарқырауы, бұрмалануы секілді  кемшіліктер анық аңғарылады,-дейді «Қазтелерадио» АҚ-ның «Қарағанды облыстық радиотелехабарлар  тарату дирекциясы» директорының орынбасары  Досхан Төлеков.

Осы кемшіліктерді жою үшін  қазір телеөнімдердің барлығы  цифрлық форматқа түсіріледі. Сапасы сын туғызған аналогтық желі цифрлық эфирлік хабар тарату жүйесінің шаңына ілесе алмайды. Алдыңғы  ескі  жүйеден бас тарту  енді Қазақстанға да жетті. Желтоқсан айында еліміз бойынша Нұр-Сұлтан қаласы мен Қарағанды облысы цифрлық эфирлік хабар тарату жүйесіне көшіріледі. Бүгінгі күнге дейін облыста 6 радиотелевизиялық станция салынып,  жаңғыртылды. Жыл басында аймақ тұрғындарының 96,3 % әлемдік телевизиялық сапамен қамтамасыз етіледі.

-  Цифрлық эфирлік телехабар тарату желісі   өңірдің 29 радиотелевизиялық станциясында жүзеге асырылады. Қазіргі уақытта  ұзын саны 23- ке жететін елді мекендер мен аудандар  аталған жүйе бойынша телехабар таратудың сенімді сигналын қабылдап отыр. Заманауи жүйені  Қарағанды қаласы бойынша абоненттік төлемі жоқ 26 телеарна сондай-ақ, 11 елді мекен қабылдап алады. Әлеуметтік жобаның мақсаты-халықты ақысыз сапалы телевизиямен қамту. Ал, аналогтан «цифрға» көшу «Цифрлы Қазақстан» мемлекеттік бағдарламасы аясында іске асырылып жатқан жұмыс,-дейді аймақтық ведомствоның ресми өкілі  Досхан Байгелдіұлы .

Түптеп келгенде, сандық форматқа ауысу — көрсетілімге мін арытпайды. Ол экрандағы  бейне мен дыбыс сапасын жоғарлатып, сигнал берудің жылдамдығын жоғарлатады және  көрермен талғамын кеңейтуге жол ашады. Бұл жаңашылықтың тағы бір тиімділігі, телевизиялық каналдардың саны едәуір ұлайтады. Әсіресе, бұл елді мекен тұрғындарына тосын сый болмақ. Бұрынғы аналогтық форматтағы 2-3 арнаның орнына, енді олар бір тартқышта бірден 15 телеарнаны трансляциялауға мүмкіндік алмақ. Бұған дейін тұтынушылар  қызметтің осы түрі үшін электр энергиясынан едәуір  шығынға батып келген болатын. Жақын уақытта ондағы тарату қызметінің ақысы әжептеуір азаяды. Осылайша, Қарағанды облысында аналогтік телевизиялық хабар тарату уақыты аяқталып, цифрлық эфирлік телевизияның дәуірі аяқ басты.  Айта кетер болсақ,  қазіргі кезде әлемдегі 70 -тен астам ел толығымен цифрлық хабар таратуға енген. Теледидар тарихындағы  жаңа реформа 1990 жылдан бері Еуропада пайда болды. Оны алғашқы болып Германия мен Нидерланды сынақтан өткізген. Айтпақшы, қазір жаhанның 60 мемлекеті «digital» буынды форматқа көшу кезеңінде тұр.

Тегтер:

ҰҚСАС ЖАҢАЛЫҚТАР

Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда
Айтбала СҮЛЕЙМЕНҚЫЗЫ 19.05.2022, 08:27
Қарағандыдағы 7330 үй басқарудың жаңа жүйесіне енуге қауқарлы
Кемел ЖАН 18.05.2022, 13:35
«Жаңа Қазақстанның» мақсаты – парасыз мемлекет құру

Аңдатпа


  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56
  • Балалар жылында балалар неге шеттетіледі?
    19.05.2022, 08:40
  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17