Шарасыз полиция

Өлілерден өшін алып, зират талқандағандар жазасыз қала ма?

Арайлым ЕРКЕБАЕВА

29.09.2020, 05:16

1563

Қарағандыда Пришахтинскінің жанындағы мұсылмандар зиратына жүк көлігімен кіріп кеткен бейтаныс біреулер он шақты зиратты қиратып кеткен. Көліктің зират ішіне не себепті кіргені белгісіз. Зираттың бір шетінен кірген қаскүнемдер жолындағы он шақты зиратты таптап,  қиратқан. Кейбір бейіттің  қабырғалары қираса,  енді бірінің құлпытастары талқандалыпты. Сол маңда тұратын тұрғынның бірі зираттағы жағдайды көріп, талқандалған бейітті бейнежазбаға түсіріп, әлеуметтік желіге салыпты.«Қираған бейітте жатқан марқұмдардың туыстары бар шығар, солар көріп, кейін мына қираған жерлерді қоршап қоятын шығар деген оймен бейнежазбаға түсіріп алдым. Кейбір бейіттің құлпытастары қатты талқандалып, аты жөндері көрінбей  қалған. Көлік жүргізушісінің зираттың арасына не себепті кіргені белгісіз»,- деп жазыпты Пришахтинск тұрғыны.Зираттарда өші қалғандай, талқандап шыққан күдікті бірер апта өтсе де табылған жоқ. Полиция қызметі мұсылмандар зираты орналасқан шеткі аумақта бейнекамераның жоқ екенін, марқұмдардың туыстары жазған шағымның тіркелгенін мәлімдеумен ғана шектелді.Марқұмдардың туыстары мұндай жағдайда не істерін білмей, абдырап қалғандықтан, мешітке барып, имамдардан кеңес алыпты. Шариғатта құлаған зиратты қайта көтеруге рұқсат етпейтін қағида бар.«Марқұмдардың туыстары бізге хабарласып кеңес алды. Шариғатта бірнеше жыл тұрып, әбден тозып, құлап қалған бейітті қайта көтеруге болмайтыны айтылған. Қазіргідей жағдайда біреулер қиратып кеткендіктен, оны қайта көтеруге жөндеуге тыйым салынбайды»,- дейді облыстың бас имамы Өмірзақ қажы Бекқожа.Бүгінде Пришахтинск қаласының  тұрғындары қираған  зираттарды біртіндеп, қалпына келтіре бастаған. Ал текке тұрған зиратты талқандаған  көлік жүргізушісі, әзірше, табылған жоқ. Тұрғындар жүгенсіз тентек жазасыз құтылып кете ме деп, тәртіп сақшыларының шарасыздығына налып отыр. 

Тегтер:

ҰҚСАС ЖАҢАЛЫҚТАР

Гүлжан СЕРІКҚЫЗЫ 30.07.2021, 17:53
Ішкі туризмнің халі қалай?
Сайт әкімшілігі 30.07.2021, 17:51
Әкімшілік рәсімдік-процестік кодексі: мемлекетке сену құқығы
Сайт әкімшілігі 30.07.2021, 17:49
Жаңа кодекс қазақстандықтарды қалай қорғайды?
Нұр САЙЛАУОВА 30.07.2021, 17:42
Қазақстанның жаһандық бастамаларына оң баға берілуде
Б.СӘРСЕНБИ 30.07.2021, 17:38
«Жұмыла көтерген жүк жеңіл»
Арайлым ЕРКЕБАЕВА 30.07.2021, 15:21
«Жусан» операциясы: тағдыр тәлкегінен құтқарғандар

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15