Жамбылдықтардың 79,1 пайызы медициналық сақтандырудан өткен

Сайт әкімшілігі

15.12.2020, 19:00

1151

Жамбыл облысында 1,1 миллион тұрғынның 896 998-і немесе 79,1 пайызы медициналық сақтандыру қоры арқылы сақтандырылған. Түрлі себептермен өңірдегі  239 224 адам медициналық сақтандыруға жүрдім-бардым қарап отыр. Бұл туралы Өңірлік коммуникациялар қызметінің алаңында «Әлеуметтік медициналық сақтандыру қоры» КЕАҚ Жамбыл облысы бойынша филиалының директоры Мавлюда Боқаева баяндады.

Оның айтуынша, ағымдағы жылдың 1-шілдесінде Жамбыл облысында медициналық сақтандырылмағандардың саны 280 мың болса, желтоқсан айында 25 пайыздан 20 пайызға дейін қысқарған.

«Медициналық сақтандырылмағандарды құрылымына қарай бөлетін болсақ, 118 мыңнан астамы – БЖТ төлеушілер. Олар төтенше жағдай кезінде бір реттік жәрдемақы алу үшін БЖТ төлеп, кейін тоқтатып тастаған болуы мүмкін. Тағы 67 825 адамның әлеуметтік статусы белгісіз, яғни өткен 11 айда олардың атына бірде-бір рет төлем түспеген.

Медициналық сақтандырылмағандардың 43 103 – жұмыскерлер. Кейінгі айларды әртүрлі себептермен олардың атына сақтандыру төлемдерін аудару тоқтатылған. Бұл санаттың ішінде жыл соңына дейін салықтан босатылған шағын және орта бизнес нысандарының қызметкерлері де болуы мүмкін. 6072 – жеке кәсіпкер, 2 258 – азаматтық құқықтық келісім шарт арқылы жұмыс атқаратындар, 1 122 -дербес төлеуші», — деді «Әлеуметтік медициналық сақтандыру қоры» КЕАҚ Жамбыл облысы бойынша филиалының директоры Мавлюда Боқаева.

Аймақта кейбір кәсіпкерлік нысандары жыл соңына дейін сақтандыру төлемдерінен босатылған. Жалпы, Жамбыл облысында 5 387 астам шағын және орта бизнес нысанына жеңілдік беріліпті. Олардың 4 792-ы немесе 89 пайызы жұмысшыларын сақтандырған болса, қалған 595-тен астам кәсіпорын қызметкерлері сақтандыру жүйесінен тыс қалған. «Әлеуметтік медициналық сақтандыру қоры» КЕАҚ Жамбыл облысы бойынша филиалының директоры «сондықтан осы мәселені жұмыс берушілердің есіне тағы бір рет салғым келеді»,- деп айтып өтті.«Әлеуметтік медициналық сақтандыру қоры» КЕАҚ Жамбыл облысы бойынша филиалының директоры биылғы жылдың 11 айында қорға еліміз бойынша 222,5 миллиард теңгеге жуық қаржы жинақталғанын, Жамбыл облысынан бұл қорға 7,4 миллиард теңгеден астам жарна аударылғанын айтты.

Тегтер:

ҰҚСАС ЖАҢАЛЫҚТАР

Гүлжан СЕРІКҚЫЗЫ 30.07.2021, 17:53
Ішкі туризмнің халі қалай?
Сайт әкімшілігі 30.07.2021, 17:51
Әкімшілік рәсімдік-процестік кодексі: мемлекетке сену құқығы
Сайт әкімшілігі 30.07.2021, 17:49
Жаңа кодекс қазақстандықтарды қалай қорғайды?
Нұр САЙЛАУОВА 30.07.2021, 17:42
Қазақстанның жаһандық бастамаларына оң баға берілуде
Б.СӘРСЕНБИ 30.07.2021, 17:38
«Жұмыла көтерген жүк жеңіл»
Арайлым ЕРКЕБАЕВА 30.07.2021, 15:21
«Жусан» операциясы: тағдыр тәлкегінен құтқарғандар

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15