Жаңақалада бос тұрған орынға жас жігітті алмай отыр

Тоқтар ҒАБДІРЕШҰЛЫ

16.02.2021, 13:31

2237

БҚО-ның Жаңақала ауданындағы жастар ресурстық орталығында екі маманның орны бос тұр. Басшы да тұрақтамай жиі ауысады. Жұмыссыздық өршіп тұр. Сөйте тұра, «жұмыс істеймін» деп құлшынып тұрған жастарды қызметке алмай, құрғақ уәдемен әрлі-берлі жүргізіп қою әдетке айналған. Мұны осы ауданның Көпжасар ауылындағы спорт әдіскері Жалғас Нығметов мәселе етіп көтерді. 

«Менің осы жұмысқа кіруімнің өзі үлкен еңбек болды. Қаншама конкурсқа түстім. Таныспен өтіп кете берді. Содан жазбаша өтініштерімді алып барлық басшыларға кірдім, қолдарын қойдырып, өтінішіме дәлел ретінде аудан әкіміне 5 рет кірдім. Зорға дегенде Қызылобадан жұмыс шығып, сол ауылға кеттім. Сол жерде үлкен нәтиже көрсетіп, Көпжасар ауылына жастармен жұмыс жөніндегі кеңесші маман, спорт әдіскері қызметіне бардым.  Аудан орталығына қызметке ауысу үшін біраз конкурсқа түсіп көргем, өте алмадым, тамыр-таныстық күшті болды. Аудандық жастар ресурстық орталығына басшы тұрақтамай, жұмысы бәсеңдеді. Оған да конкурсқа қатыстым, өткізбеді», — дейді Ж.Нығметов.

Ресурстық орталыққа Қобыланды Сапиуллин басшылыққа тағайындалғасын да Жалғас оның алдына бірнеше мәрте жұмыс сұрап барған. «Аудандық ішкі саясат бөлімінің басшысы Ақан Қапанов екеуі «жақында алынасың» деп үміттендірді. Қайта-қайта бара беруге өзім де ұялдым. Сөйтіп жүргенде шақыртып алып «Жалғас, ренжіме, сені ала алмаймыз» дегені адамды мазақ ету емес пе?! Өтірік уәделерден кейін амал жоқ әр ісімді дыбыс, бейне таспааға жазып отыруға тура келді. Осындай таныс, туыстық байланыстардан қашан арыламыз?! Қабілеті, іскерлігі, жұмысына қарамай ма басшылар?! Әділдік керек!» — дейді ашынған жігіт.

 Шынында да, өзі 4-5 маманы бар орталықта біраздан бері екі орын бос тұрса, оған құлшынып тұрған адамды қызметке алмаса ол орталықтан қарқынды жұмыс, қызу әрекет күту ақымақтық. Бұған әуелі жаңақалалық атқамінерлер, содан соң осы мемлекеттік органдардағы былық-шылықтарды тексеретін құзырлы органдар не айтар екен?

Тегтер: әлеумет жұмыспен қамту жұмыссыздық мәселе

ҰҚСАС ЖАҢАЛЫҚТАР

Миуа БАЙНАЗАРОВА 18:13
Шенеуніктер неге тәртіп бұзады?
Сәтжан ҚАСЫМЖАНҰЛЫ 12:24
Екпіндіктер әкім Смайыловтан жауап күтіп жүр
Арайлым ЕРКЕБАЕВА 10:15
Әкім бол, туысыңа жақын бол!?.
Сайт әкімшілігі 03.03.2021, 14:53
Полиция 7 адамның өмірін қиған жол апаты туралы айтты
Сайт әкімшілігі 03.03.2021, 10:53
Атырауда анасы мен төрт баласы уланып қала жаздады
Арайлым ЕРКЕБАЕВА 02.03.2021, 18:02
Теміртаулықтар қатты аязда жылусыз қалды

Аңдатпа


  • Әкім бол, туысыңа жақын бол!?.
    10:15
  • Сейдағаңның серілері едік
    03.03.2021, 10:12
  • Бес тағдыр – бес тал гүл
    02.03.2021, 10:44
  • Буырқанған дауылда сыналған басылым
    25.02.2021, 13:12
  • «Жас Алаштан» басталған журналистік жол
    23.02.2021, 10:51