Жезқазғанда экспедиция қатысушылары бұрын зерттелмеген петроглифтерді анықтады

Арайлым ЕРКЕБАЕВА

24.09.2021, 11:13

847

Жезқазған аумағында «Білеуті — 2021» тарихи — танымдық экспедициясы екі күнге жалғасты. Мамандардың айтуынша  мұндай экспедиция жасау белгілі бір аймақты жан — жақты зерттеуге және туристік маршрут құруға ықпал етеді. 

«Білеуті — 2021» экспедициясы «Рухани жаңғыру » бағдарламасы аясында жүзеге асырылды. Экспедицияға қатысушылар бұрын соңды зерттелмеген петроглифтер мен тау тастарына жазылған жұмбақ әріптерді, көп қуысы бар үңгір мен жезтырнақ тастарын тауып алған. Сонымен қатар, бұл өңірден ежелгі металлургтерінен қалған ұңғыма іздерін яғни жартастағы дөңгелек ойықтарды да анықтапты.

Мұндай жаңа тарихи олжалар еш жерде айтылмаған әрі зерттелмеген екен. Қазірдің өзінде бұған Қазақстандық көрнекті ғалымдар қызығушылық таныта бастаған.

«Бізде көптеген қызықты зерттелмеген орындар бар, сондықтан біз Жезқазған археологиялық мұражайымен бірлесіп, Білеуті өзені мен атақты Бұланты шайқасы болған жер арасындағы аумаққа шағын экспедиция ұйымдастырамыз деп шештік. Оның құрамына археологтар, тарихшылар, жолсеріктер, туризм мамандары енеді»,- деп мәлімдеді экспедиция жетекшісі,  Жезқазған тарихи- археологиялық мұражайының ғылыми қызметкері Кешубай Байділдинов.

Саяхатшылар Білеуті өзенінің жанынан тау суреттері бар жартастар мен тастарды тауып алған. Бұл тастағы суреттердің қандай жағдайда салынғанын  арнайы мамандар зерттеп анықтай  алады. Олар Қозыбай елді мекенінде қара тастарға соғылған әрі жақсы сақталыпты. Петроглифтердің басқа галереясын ынтагерлер Ақкиік деген жерден сұр — көк тастардан тауып алған. Сонымен қатар экспедиция мүшелері Малқар үңгіріне барғанда қызықты жерлерге тап болған. Үңгірдің кіре берісінен түйенің басына ұқсайтын екі тік тас табылыпты.

Тас үңгірдің ішінде биік аркалар мен өткелдер бар әрі көп қуысты болып шыққан. Бұл үңгірдің екі бөлігінен петроглифтер табылған. Мамандар бұл өңірдің зерттелмегенін алға тартып, келесі жылы зерттеу жұмыстарына кірісеміз деп отыр. Келесі жылы экспедиция қатысушыларына Қазақстанның басқа мұражайларынан тарихшылар мен археологтар қосылатын болады.«Рухани жаңғыру » бағдарламасы аясында өткен экспедицияның нәтижесінде бұрын анықталмаған петроглифтерді жария етудің сәті түсті. Осылайша талай жылғы тарихи сырды ішіне бүккен кең байтақ даланың бір сыры ашылғандай болды. 

Тегтер:

ҰҚСАС ЖАҢАЛЫҚТАР

Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда
Айтбала СҮЛЕЙМЕНҚЫЗЫ 19.05.2022, 08:27
Қарағандыдағы 7330 үй басқарудың жаңа жүйесіне енуге қауқарлы
Кемел ЖАН 18.05.2022, 13:35
«Жаңа Қазақстанның» мақсаты – парасыз мемлекет құру

Аңдатпа


  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56
  • Балалар жылында балалар неге шеттетіледі?
    19.05.2022, 08:40
  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17