Жыры бітпеген электронды жүйе

Арайлым ЕРКЕБАЕВА

20.04.2021, 10:10

2936

Қарағанды қаласының билігі қоғамдық көліктерде  электронды билет беру жүйесін бес жылдан бері енгізе алмай келеді. Жергілікті билік «кореялық «Смарт кард» компаниясының электронды билет беру жүйесі енеді» деп, бес жыл бойы оларды жер-көкке сыйғызбай мақтап келді. Алайда бірнеше жылғы дайындық  пен әуре-сарсаң  екі-үш ай қызмет көрсетуге ғана жарады. Қарағанды қаласының автопарктері «Смарт кард» арқылы жіберілген қаражат өздеріне кеш түсіп, ит-әуре қылған соң, өткен жылдың соңында бұл компаниямен жасасқан келісімшарттарын бұзды. Шенеуніктер картаға ақша салмауды қаңтардан бастап ескертті. Сондай-ақ жұрттың 600 теңгеге сатып алған картасы келесі қызмет көрсетуші келгенде жаңасына айырбасталатынын  айтып, елді сабырға шақырды.

                  Электронды карта «Төлем»бола ма?        Жақында қала әкімі Ермағанбет Бөлекбаев қалада электронды билет берудің жаңа жүйесі енгізілетінін мәлімдеді. Алайда әкім «арық сөйлеп, семіз шығуды» көздеді ме, кім білсін, электронды билет беру қызметін қай компания көрсететінін әзірге ресми түрде жарияламай отыр. Дегенмен қала басшысы осы жылғы шілде, тамыз айларында электронды билет берудің жаңа жүйесін енгізуді жоспарлап отырғанын мәлімдеді. Қазіргі уақытта автопарктер бұл қызметті көрсететін компаниямен келісімшартқа отыруды бастап кеткен. Дегенмен «Төлем Q» ЖШС  бас директоры Сержан Ақылбаев бірқатар баспасөз құралдарына Қарағанды қаласына электронды билет беру жүйесін енгізуге дайындалып жатқандары жөнінде мәлімет таратқан.Айта кету керек, бұл компания Атырау мен Шымкент қалаларына аталмыш жүйені енгізген болатын.

                                       Жолақы қымбаттай ма?

         Қарағандыға  электронды билет беру жүйесі ене қалса, жол билетінің қымбаттауы да ғажап емес. Мұны билік ашық айтпаса да, оны емеурінінен аңғаруға болады. Бейресми мәлімет бойынша электронды картамен  жолақы 80 теңге болып қалса, ақшамен жолақы төлейтіндер үшін жол жүру ақысы 160 теңге болуы мүмкін деген жорамал бар. Бұл жаңашылдыққа күнделікті шайлығы айлығынан аспай жүрген жұрт «жолақы өсіп кетеді-ау» деген үреймен қарауда.

Тегтер: жолақы электронды жүйе жолақы

ҰҚСАС ЖАҢАЛЫҚТАР

Айтбала СҮЛЕЙМЕНҚЫЗЫ 12.05.2021, 08:42
Жетімдерді жетелеген жігіт
Арайлым ЕРКЕБАЕВА 12.05.2021, 07:57
Мүгедектер арбасына жол тар болып тұр
Сайт әкімшілігі 10.05.2021, 11:37
Оралда мектеп оқушысы бесінші қабаттан құлап кетті
М.СӘУЛЕБЕК 08.05.2021, 09:23
Жолдың сапасы жақсарады
Айтбала СҮЛЕЙМЕНҚЫЗЫ 07.05.2021, 09:09
Сүйегі табылған қазақ сарбазының жақындары іздестірілуде
Сайт әкімшілігі 06.05.2021, 12:06
«Серпін» жобасы бойынша гранттардың 52% сұраныссыз қалды – Мәди Ахметов

Аңдатпа


  • Қор болған Қазақстан
    11.05.2021, 11:12
  • Сүйегі табылған қазақ сарбазының жақындары іздестірілуде
    07.05.2021, 09:09
  • Марат ТОҚАШБАЕВ: Саясаттағы тоқырау экономикалық тоқырауға соқтырды
    06.05.2021, 09:21
  • Жалақорға жауап
    06.05.2021, 09:09
  • «Олар ұлт сатқындары!»
    29.04.2021, 09:06