Ішкі нарыққа 39,8 млрд долларға тауар кіргізілген

Оның 26,7%-ы Ресейдің үлесіндегі импорт. Сонымен қатар Еуроодақ пен Қытайдан алыс-беріс 66%-ға артқан. Бұл қаңтар-тамыз айындағы көрсеткіш. Жалпы жыл сайын Ресейден Қазақстанға әкелінетін тауар саны біртіндеп азайып келеді.

Мәселен, биылғы импорттағы үлесі 26,7% болса, былтырғы 8 айдағы көрсеткіш 37,4% болған еді. Әрине, бұған әртүрлі сыртқы факторлар себеп. Дегенмен, Ресей импортының орнын Еуропалық одақ пен Қытайдан кіргізілетін тауарлар басып жатыр.

Мысалы, 2022 жылдың қаңтар-тамыз айында Еуропадан 4,4 млрд долларға тауар кірсе, биыл көрсеткіш 7,3 млрд долларға дейін өскен. Ал Қытайдан әдеттегідей тауар молынан жеткізіледі. Өсім 6,7 млрд-тан 10 млрд долларға дейін жетіп отыр. Оған қазіргі қазақстандықтардың түрлі сауда платформаларынан онлайн тапсырысты еселеуі басты себептің бірі.