Талғар ауданына жаңа прокурор тағайындалды

Ерлан Әлижанұлы Тағаев прокурорлық қызметін Алматы облысының прокуратурасында бастап, кейін Қарағанды, Шығыс Қазақстан облыстарында жалғастырған.

Талғар ауданы прокуроры болып тағайындалғанға дейін Курчатов қаласы түзеу мекемелерінде заңдылықтын сақталуын қадағалау жөніндегі арнайы прокуроры, Күршім ауданы, Аягөз, Абай және Жаңасемей аудандарының прокуроры қызметін атқарған.

Айта кетейік, бұған дейін Талғар қаласында кісі қолынан қаза тапқан Шерзат Болаттың әкесі Талғар ауданының прокуроры жұмысынан кетсін деген талап қойған болатын.

Осы жағдайдан кейін Алматы облысы прокурорының орынбасары Саян Бакиров пен Талғар ауданының прокуроры Ескендір Бекманов қызметтерінен босатылды.