Тоқаев Ерлан Қаринге бірқатар нақты міндет жүктеді
Президент Қасым-Жомарт Тоқаев Вице-Президент Ерлан Қаринді қабылдап, жаңа лауазымның мемлекеттік басқару жүйесіндегі рөліне тоқталды.
Мемлекет басшысының айтуынша, Вице-Президент қызметі Қазақстан Республикасының жаңа Конституциясында бекітіліп, елдің басқару жүйесінде ерекше маңызға ие болды.
Кездесу барысында Қасым-Жомарт Тоқаев Ерлан Қариннің алдына бірқатар міндет қойды. Атап айтқанда, оған Құрылтаймен, Үкіметпен және басқа да мемлекеттік органдармен өзара байланыс кезінде Президенттің атынан өкілдік ету тапсырылды.
Сонымен қатар Вице-Президент мемлекеттік саясаттың негізгі бағыттары бойынша Мемлекет басшысының ұстанымын тиісті органдарға жеткізуі қажет.
Кездесуде Ерлан Қариннің жаңа қызметі аясындағы алдағы жұмысының басым бағыттары талқыланды.
