АҚШ Ираннан Ормуз бұғазы арқылы өтетін кемелердің қауіпсіздігіне кепілдік беруді талап етті

Басылымның мәліметінше, Вашингтон бұл талапты Тегеранға тікелей әрі аймақтағы делдалдар арқылы жеткізген.

Дональд Трамп әкімшілігі Иранды үш апта бұрын қол қойылған меморандум талаптарын бұзды деп айыптап отыр. АҚШ тарапының мәліметінше, Иран Ормуз бұғазы маңында бірнеше рет коммерциялық кемелерге оқ атқан.

Осы оқиғалардан кейін тараптар бір-бірінің нысандарына бірнеше мәрте әуе соққыларын жасаған.

АҚШ әкімшілігінің өкілдерінің бірі Вашингтонның басты талабы Иранның мұндай әрекеттерді тоқтататынын ашық мәлімдеуі екенін айтты.