АҚШ Қазақстаннан әкелінетін тауарларға 27% кедендік баж салығын енгізді

Бұл туралы Ақ үйдің ресми X (бұрынғы Twitter) парақшасында жарияланды.

Жарлыққа сәйкес, Қазақстаннан АҚШ-қа әкелінетін өнімдерге 27% көлемінде баж салығы салынады. Бұл — Орталық Азия елдері арасындағы ең жоғары мөлшерлеме. Жаңа салық «АҚШ-тың Тәуелсіздік күніне» орай қабылданған шешімдердің бірі ретінде ұсынылды.

Ақ үй таратқан кестеде сол жақ бағанда басқа елдердің АҚШ тауарларына қойған баж салығы мен сауда кедергілері көрсетілсе, оң жақта — АҚШ-тың жауап ретінде енгізген өз баж мөлшерлері жазылған. 

ТМД елдері үшін жаңа тарифтер мынадай:

• Қазақстан — 27%

• Молдова — 31%

• Армения, Әзербайжан, Грузия, Өзбекстан, Түрікменстан, Қырғызстан және Тәжікстан — 10%

 Сауда қатынасы қандай?

2023 жылы Қазақстан АҚШ-қа 1,97 млрд доллар көлемінде тауар экспорттаған. Бұл — соңғы онжылдықтағы ең ірі көрсеткіш. Негізгі экспорт түрлеріне:

• мұнай,

• уран (бұрынғы жылмен салыстырғанда 5 есе өскен),

• ферроқорытпалар,

• күміс жатады.

Дегенмен, АҚШ Қазақстанның жалпы экспорт көлемінде тек 2,4%-ын құрайды. Елдің басты экспорттық серіктестері қатарында — Италия (22,9%), Қытай (18,3%), Ресей (11,7%), Нидерланды (6,5%), Франция (4,5%) және Түркия (4,1%) бар.

АҚШ-тан импорт қандай деңгейде?

2023 жылы АҚШ Қазақстанға 2,24 млрд доллардың тауары мен өнімдерін экспорттаған. Бұл – елдің жалпы импорт көлемінің 3,4%-ы. Бұл көрсеткіш бойынша АҚШ төртінші орында, алдыңғы үштікте:

Ресей (30,5%)

Қытай (25,3%)

Германия (4,7%)