Алматы облысында Ұзынағаш ауылының 67 жастағы тұрғынынан вирус табылған

Coronavirus2020.kz сайтының дерегінше, Жамбыл ауданы Ұзынағаш ауылының 67 жастағы тұрғынына вирус жұқққаны анықталған. Ер адам 29 наурызда Қарасай аудандық инфекциялық ауруханасына жатқызылған. Диагнозы расталған.

Карантинге жатқызылмай тұрып, науқас Алматыда артриттен емделген.

"Ер адаммен байланыста болған екі адам анықталып, провизорлық стационарға жатқызылды" делінген сайтта. Соңғы дерек бойынша, Алматы облысында 7 адамнан коронавирус анықталған. Жалпы Қазақстанда науқастар саны 294 адамға жетті. 20 адам айыққан. 1 адам көз жұмған.