13:48, 18 Наурыз 2025

Амманда ең үздік балуандарымыз бақ сынайды

Биыл 25-30 наурыз аралығында Иордания астанасы Амманда күрес түрлерінен Азия чемпионаты өтеді. Жақында Қазақстан федерациясы құрлық біріншілігіне қатысатын балуандардың тізімін жариялады.

Амманда бақ сынайтын еркін күрес шеберлерінің арасында әлем чемпионы Ризабек Айтмұқан мен Нұрқожа Қайпанов бар. Сондай-ақ команда көшбасшыларының бірі Азамат Дәулетбеков те Азия чемпионатына қатысады.

Еркін күрес:

57 келі - Рахат Қалжан

61 келі - Балғабай Мұхаммед

65 келі - Нұрсұлтан Садық

70 келі - Начын Қуулар

74 келі - Нұрқожа Қайпанов

79 келі - Дәулет Ергеш

86 келі - Болат Сақаев

92 келі - Азамат Дәулетбеков

97 келі - Ризабек Айтмұқан

125 келі - Нұрсұлтан Азов

Ал грек-рим күресінен 10 салмақ дәрежесінде белдесулер өтеді. Бұл сынға бұрын құрлық біріншілігінде топ жарған Мейіржан Шермағанбет, Әлімхан Сыздықов және Ибрагим Магомадов қатысады. Сондай-ақ былтыр Қазақстан азаматтығын алған ресейлік легионер Шамиль Ожаев та Амманға аттанады. Ол 2024 жылы ел кубогында чемпион атанған болатын.

Грек-рим күресі:

55 келі - Ербол Камалиев

60 келі - Қабдыл Бақытжан

63 келі - Әсетұлы Сұлтан

67 келі - Мейіржан Шермағанбет

72 келі - Әділхан Сатаев

77 келі - Ибрагим Магомадов

82 келі - Омар Сатаев

87 келі - Шамиль Ожаев

97 келі - Ильяс Гучигов

130 келі - Әлімхан Сыздықов.

Бұл бәсекеге бұрымды балуандарымыз да қатысады. Тізімде команда көшбасшылары Жәмила Бақбергенова мен Эльмира Сыздықова бар.