Атырауда драма театр өртеніп жатыр

Бұл туралы 22 тамызда ІІМ төтенше жағдай комитетінің баспасөз қызметі хабарлады. Өрт шыққаны жайлы хабар 101 нөмеріне жергілікті уақыт бойынша 14.30-да түскен.

Комитеттің ақпараты бойынша, өрт электр сымдарынан шығып, театрдың шатырына жайылған. Қазір театр аумағы қоршауға алынған. Жергілікті әкімдік өртті 9 техника, 50 өрт сөндіруші сөндіріп жатқанын хабарлады.

Атыраудағы театр – Қазақстандағы ескі өнер ордаларының бірі. Ол 1938 жылы 5 наурызда «Мұнайшы» клубының жанынан ашылған. Жергілікті «Мой город» сайтының жазуынша, театрға күрделі жөндеу жасалып, биыл мамырда қайта ашылған.