Байден Трамптың «қастандықтан» зардап шекпегеніне жеңілдеп қалғанын айтты

«Президент Байден жаңа ғана бұрынғы президент Трамппен сөйлесіп, оның жақсы екенін біліп, жеңілдеп қалғанын білдірді», - делінген Ақ үй мәлімдемесінде.

Сонымен қатар, хабарламада Байден мен Трамптың «жылы сөйлескені» және бұрынғы президент Трамп Байденге телефон қоңырауы үшін алғыс білдіргені айтылады.

Ал, Республикалық партиядан президенттікке үміткер Дональд Трамп Ақ үй басшысымен «жылы сөйлескенін» растайды.

Ақ үйдің хабарлауынша, Байден оқиғадан кейін бірден Трампқа телефон соққан, бірақ онымен байланыса алмаған. Алайда, Байден Трамппен кейінірек арнайы сөйлесті.

Айта кетейік, 15 қыркүйек күні кешке Дональд Трамп ойнап жүрген Вест-Палм-Бичтегі (Флорида) гольф клубында атыс болып, саясаткерге оқ атылды. АҚШ Федералдық тергеу бюросы (ФБР) Трампқа «қастандық болып көрінген нәрсені» тергеп жатқанын айтты.