БҰҰ Қырғызстан билігін журналистерге қатысты сот үкімін қайта қарауға шақырды

Ведомство журналистердің ісін халықаралық құқық қорғау стандарттарына сай қарау керектігін атап өтті.

Әңгіме алты және бес жылға сотталған Temirov Live басшысы Махабат Тәжібек қызы мен ақын Азамат Ишенбеков, сондай-ақ үш жылға шартты түрде сотталған журналистер Ақтілек Қапаров пен Айка Бейшекеева туралы болып отыр.

«Біз билікті Қылмыстық кодекстегі журналистер мен басқа адамдарды өздерінің негізгі құқықтарын, соның ішінде сөз бостандығын жүзеге асырғаны үшін ықтимал жауапкершілікке ұшырататын түсініксіз нормаларды қайта қарауға шақырамыз», - делінген хабарламада. 

10 қазанда Ленин аудандық соты қаңтарда жаппай тәртіпсіздікке шақырды деген айыппен қамауға алынған 11 журналистке үкім шығарды. Сот 11 айыпталушының төртеуіне нақты мерзімге және шартты түрде бас бостандығынан айыруға үкім шығарды, ал қалғандарын қылмыс құрамының болмауына байланысты ақтады.