Еуропарламент «Ресейдегі президент сайлауының заңсыздығы» туралы қарар қабылдады

Құжатта «Ресейдегі президенттік сайлау заңсыз және демократиясыз өтті» делінген.

«Ресей билігінің бұл келеңсіз әрекеті жалғыз мақсатты көздеді - Владимир Путиннің сайлау заңдылығының көрінісін жасау, оның аяусыз ішкі қуғын-сүргін саясаты және ең алдымен Украинаға қарсы агрессивті соғысы», - делінген қарарда.

Қарарда Украинаның басып алынған аумақтарында сайлау өткізуді айыптайды. Еуропарламент мүшелері ЕО елдері мен халықаралық қауымдастықты сайлау нәтижелерін заңды деп танымауға шақырады, өйткені олар басып алынған аумақтарда өтті және «тіпті Ресейдің өзінде де еркін де, әділ де болмады» деп санайды.

Сондай-ақ құжатта Алексей Навальныйдың өлімі үшін Кремль мен Путин жеке «қылмыстық және саяси жауапкершілік арқалайды» делінген. Бұған қоса, Еуропарламент ресейлік саяси тұтқындарды босатуға шақырды. Құжатта Еуроодақ елдері ресейлік тәуелсіз азаматтық қоғам ұйымдарына, тәуелсіз БАҚ пен құқық қорғаушыларға «белсенді қолдау көрсетуді», сондай-ақ ресейлік диссиденттерге гуманитарлық визалар мен басқа да қолдау көрсетуді жалғастыруы керек делінген.

Ресей Сыртқы істер министрлігінің ресми өкілі Мария Захарова Еуропарламент резолюциясы туралы: «Елеусіз ұйымның елеусіз қарары», - деп түсіндірді.

Айта кетейік, Ресейде сайлау 15-17 наурыз аралығында өтті. Орталық сайлау комиссиясының мәліметінше, Владимир Путин сайлаушылардың 87,28 пайыз дауысын жинаған.

Фото: Евгения Новоженина / Reuters