Израильдің Газа секторына шабуылынан 16 палестиналық қаза тапты

Кейінгі 34 күннен бері шабуылға ұшыраған  Джебалия Белед ауылында бір тұрғын үй нысанаға алынған. Атыс салдарынан 5 палестиналық қаза тауып, көп адам жараланған. Тағы үш палестиналық Джебалия Белед қаласындағы базарға дронмен жасалған шабуылдан қаза тапты.

Газа секторының орталық бөлігіндегі Нусайрат босқындар лагерінің батысында Израиль әскері палестиналық бір топ бейбіт тұрғынды нысанаға алған. Шабуыл салдарынан 3 палестиналық қаза тауып, тағы 3 адам жараланды.

Эксклавтың оңтүстігіндегі Рафах қаласындағы атыс кезінде бес палестиналық бейбіт тұрғын қаза тауып, төртеуі жараланды.