Қадыров қызына «хиджабын шеш» деген адамды атып тастайтынын айтты

Оның ойынша, хиджаб киюге қарсы шыққандар – Исламның жаулары. Қадыров Шешенстанға әртүрлі дінді ұстанатын көптеген қонақтар келетінін атап өтті.

«Бізді [тұрғындарымыздың] киім үлгісі алаңдатады. Орамал тағуға шақырамыз, ол үшін жазаламаймыз. Ал хиджаб кимеу керек дегендер Исламның жаулары. Біз бетті жауып тұратын паранжа киюге қарсымыз», - деді Қадыров.

Сондай-ақ ол қызына хиджабын шеш дегендерді өлтіруге уәде берді.

«Кімде-кім менің қызыма хиджабты шеш деп айтса, мен оны дереу өлтіремін, кім болса да атып тастаймын. Бұл жау, менің жеке жауым, исламның жауы», - деді Шешенстан басшысы.

Осы сәтте видеода Қадыровтың қызы, Республика Үкіметі төрағасының орынбасары Айшат Қадырова бейнеленген.