Қарқаралы ұлттық табиғи паркінде бірнеше бұлақ көзі тазартылды

300-ге жуық еріктілер, еңбек ұжымдары 180 тоннаға жуық қоқыс жинады.

Ауқымды сенбілікке жастар да, жергілікті ақсақалдар кеңесінің өкілдері де қатысты.

Ақсақал Әлиаскар Әбеуов тұрғындарды табиғатқа ұқыпты қарауға және акцияға белсенді қатысуға шақырды.

– Менің жасым 80-ге жақындар қалды, бірақ сенбіліктерден қалмаймын. Өйткені, тазалық, ең алдымен, бізге, осы ауданның тұрғындарына қажет. Егер әркім өзінен бастаса, акцияға белсенді қатысатын болса, біз жақсы нәтижелерге қол жеткізе аламыз, – деп есептейді Әлиаскар Әбеуов.

"Таза Қазақстан" акциясы аясында Қарқаралы ауданында сенбіліктерге барлығы 4 мыңға жуық адам қатысты.

Жалпы күш-жігерімен олар 2 мың тоннаға жуық қоқыс жинады, 14 рұқсат етілмеген полигондарды жойды, 257 гектар аумақты тазартты.