Қарқаралы ұлттық табиғи паркінде бірнеше бұлақ көзі тазартылды
![1](/static/img/image.jpg)
Қарқаралы ауданында "Мөлдір бұлақ" апталығы аясында бұлақтар мен мемлекеттік ұлттық табиғи парк аумағында тазарту ұйымдастырылды.
300-ге жуық еріктілер, еңбек ұжымдары 180 тоннаға жуық қоқыс жинады.
![1 1](https://image.zhasalash.kz/zhasalash-photobank/media/2024-05-10/c9fe0e3e-7dfe-4e19-b956-c5a4cc87424b.jpeg)
Ауқымды сенбілікке жастар да, жергілікті ақсақалдар кеңесінің өкілдері де қатысты.
![1 1](https://image.zhasalash.kz/zhasalash-photobank/media/2024-05-10/bf3b42d5-23fe-49d8-9bfa-e4bd6aafb3f2.jpeg)
Ақсақал Әлиаскар Әбеуов тұрғындарды табиғатқа ұқыпты қарауға және акцияға белсенді қатысуға шақырды.
– Менің жасым 80-ге жақындар қалды, бірақ сенбіліктерден қалмаймын. Өйткені, тазалық, ең алдымен, бізге, осы ауданның тұрғындарына қажет. Егер әркім өзінен бастаса, акцияға белсенді қатысатын болса, біз жақсы нәтижелерге қол жеткізе аламыз, – деп есептейді Әлиаскар Әбеуов.
![1 1](https://image.zhasalash.kz/zhasalash-photobank/media/2024-05-10/5ff7f1c8-02f5-49af-8a5d-e84ad2585ab4.jpeg)
"Таза Қазақстан" акциясы аясында Қарқаралы ауданында сенбіліктерге барлығы 4 мыңға жуық адам қатысты.
Жалпы күш-жігерімен олар 2 мың тоннаға жуық қоқыс жинады, 14 рұқсат етілмеген полигондарды жойды, 257 гектар аумақты тазартты.