Жазылу
Қасымбек пен Нысанбаевтың қайсы өтірік айтты?
Астана әкімі Жеңіс Қасымбек бұған дейін қаладағы қоқыс шығару жұмысын Әлия Назарбаеваға қатысы бар «Clean City NC» ЖШС атқарып келе жатқанын айтқан. Алайда, бүгін Экология және табиғи ресурстар министрі Ерлан Нысанбаев бұл компанияның Астанада қоқыс шығарумен айналыспайтынын айтты.
Министр Нысанбаев бұл компанияға Назарбаеваның еш қатысы жоқ дейді.
«Бірден айта кеткім келеді, бұл мәселе біздің құзырымыздан тыс, жергілікті атқарушы органдардың құзырында. Өткен жолы берілген ақпаратқа келсек, менде басқа ақпарат жоқ деп айта аламын. Маған бүгін Әлия Назарбаеваның бұл компанияға еш қатысы жоқ деген ақпарат берілді. Мен бұдан артық ештеңе айта алмаймын», - деді Нысанбаев сейсенбі күні үкімет отырысында.
Алайда, журналист сауал қою барысында, Астана әкімі Жеңіс Қасымбек айтқан "экс-президент Нұрсұлтан Назарбаевтың қызына қатысы бар «Clean City NC» ЖШС қалада қызметін жалғастырып жатыр" деген ақпараттың анығын сұрады.
Өзі де сенімсіз бұл ақпаратты Нысанбаев қарамағындағылар бергенін, әлі де анықтау қажеттігін айтты.
«Демек, олар сізге қате ақпарат берді ме?» – деген журналист сауалына, «Біз мұны анықтауымыз керек», - деді министр.
Министрдің сөзінше, 2023 жылдың 26 қыркүйегінде Нысанбаев Назарбаеваның компаниясы қоқыс шығармайтынын мәлімдеген.
Ал, Астана әкімі Жеңіс Қасымбектің айтуынша, «Clean City» ҰК-мен келісім бес жыл бұрын жасалған. Бұл келісім сәуір айында аяқталады.
Фото: Жас алаш
