Қазақстан Президенті Қасым-Жомарт Тоқаев Анталия дипломатиялық форумының панельдік сессиясына қатысуда
Мемлекет басшысы Қасым-Жомарт Тоқаев Анталиядағы NEST конгресс-орталығына келіп, Анталия дипломатиялық форумының панельдік сессиясына қатысуда.
«Mapping Tomorrow, Managing Uncertainties» тақырыбындағы көшбасшылар панельдік пікірталасына сондай-ақ Гордана Силяновска-Давкова және Ираклий Кобахидзе қатысып отыр.
Пікірталастың модераторы – Түркия Ұлы Ұлттық Мәжілісінің мүшесі, бұрынғы сыртқы істер министрі Мевлют Чавушоглу.
Еске сала кетейік, бүгін Анталия дипломатиялық форумы 2026 өз жұмысын бастады.
Қазақстан үшін мұндай алаңға қатысу – тек сыртқы саяси протокол емес. Бұл елдің «орта держава» ретіндегі ұстанымының көрінісі. Яғни Қазақстан түркі интеграциясын еуразиялық және жаһандық бастамалармен ұштастыра отырып, қазіргі геосаяси кеңістікті қалыптастыруға ықпал етуді көздейді.
