Қазақстанда АЕК мөлшері өседі

Қаржы министрлігі 2027-2029 жылдарға арналған республикалық бюджет жобасын жариялады. Құжаттағы жоспар бойынша, 2027 жылы АЕК 4 693 теңге болады. Биыл оның мөлшері 4 325 теңге болып белгіленген.

Сонымен қатар келесі жылға басқа да негізгі көрсеткіштер ұсынылған: ең төменгі жалақы – 85 мың теңге; ең төменгі зейнетақы – 74 919 теңге.

2026 жылы бұл көрсеткіш 69 049 теңге; ең төменгі күнкөріс деңгейі – 55 173 теңге. Биыл ол 50 851 теңге. Аталған сомалар әзірге түпкілікті бекітілген жоқ. Құжат алдымен көпшілік талқылауына ұсынылады.

Одан кейін заңда белгіленген тәртіппен депутаттардың қарауына енгізіліп, қабылданған жағдайда Президенттің қол қоюына жіберіледі.