Қазақстандықтар өткен жылы құмар ойындарға 368,7 млрд теңге жұмсаған

18 наурыздан бастап азаматтарға құмар ойындарға қатысуын 6 айдан бір жылға дейін өз бетінше шектеуге мүмкіндік беретін онлайн сервис пилоттық режимде жұмыс істейді. Осы уақыт ішінде өз ойындарына тыйым салғысы келетіндер саны айтарлықтай өсті. Өзін-өзі шектеу тек заңды, лицензиясы бар ойын компанияларына қатысты.

Ranking.kz сарапшыларының бағалауы бойынша, қазақстандықтар өткен жылы құмар ойындарға 368,7 млрд теңге жұмсаған. Бес жылдағы жалпы сома 1 триллион теңгеден асты.