Маңғыстауда әскери қызмтшілер қаза тапқан жерден видео тарады

Алдын ала ақпарат бойынша, олардың тоғызы қаза тапқан. Үш әскери қызметші құтқарылды. Олардың біреуі ауруханаға жатқызылды. Қалған әскери қызметшілерді іздеу жұмыстары жалғасып жатыр.

Оқиға орнына құтқару қызметтері дереу жіберілді. Іздеу-құтқару жұмыстарына Әскери-теңіз күштері мен Төтенше жағдайлар министрлігінің бөлімшелері, авиация және басқа да тиісті қызметтер жұмылдырылған.

Оқиғаның мән-жайын анықтау және құтқару жұмыстарын үйлестіру үшін оқиға орнына Қорғаныс министрі, авиация генерал-лейтенанты Дәурен Қосанов бастаған министрлік комиссиясы аттанды.