Орта білім туралы аттестаттар eGovMobile қосымшасына орналастырылады

Биыл алғаш рет негізгі орта және жалпы орта білім туралы аттестаттар eGovMobile мобильді қосымшасы арқылы цифрлық форматта қолжетімді болды. Қазіргі уақытта мобильді қосымшадан биылғы жылғы түлектер аттестаттарын электронды түрде ала алады. Ал, алдыңғы жылдардағы түлектердің аттестаттарын толық цифрландыру 2027 жылға дейін кезең-кезеңмен жүргізіледі:

2024 жылы – осы жылдың түлектерінің аттестаттары; 2025 жылы – 2010-2023 жылдардағы түлектердің аттестаттары; 2026 жылы – 1991-2009 жылдардағы түлектердің аттестаттары; 2025 жылғы 1 қаңтардан бастап сұраныс бойынша 1991 жылға дейін берілген аттестаттар цифрлық формата қолжетімді болады, делінген хабарламада.

Сонымен қатар техникалық және кәсіптік білім беру дипломдарын цифрландыру бойынша: 2024 жылы – 2004-2023 жылдары берілген дипломдар; 2025-2026 жылдары – 2004 жылға дейін берілген дипломдар цифрландырылатыны айтылған.