Өзбекстан парламенті ЕЭО-ға бақылаушы ретінде қатысуды мақұлдады

Сенат баспасөзінің хабарлауынша, "ашық және қызу пікірталастан соң" сенаторлар Өзбекстанның Еуразия экономика одағына бақылаушы — мемлекет ретінде қатысатынын мақұлдады.

— Бұл құқықтық мәртебені сәуірдің 28-іне Өзбекстан парламентінің төменгі палатасы құптаған,- деп хабарлайды Азаттық радиосының Өзбек редакциясы.

2015 жылдың қаңтар айынан бастап іске қосылған Еуразия экономика одағына Қазақстан, Қырғызстан, Армения, Беларусь және Ресей кіреді. Молдова бақылаушы — мемлекет құқықтық мәртебесімен қатысады.