Путин Мәскеудегі терактіні радикал ислам ұйымы жасағанын мойындады

Путин жауапкершілікті өз мойнына алған «Ислам мемлекеті» тобына нақты сілтеме жасамады, бірақ шабуылды «ислам әлемі ғасырлар бойы идеологиясымен күресіп келе жатқан» экстремистер жасағанын айтты.

TheTelegraph мәліметінше, бұл жағдайдан кейін Ресей алдағы уақытта өлім жазасын қайтаруы мүмкін. Ал, қауіпсіздік офицерлерінің демалыс күндері ұсталған күдікті шабуылдаушыларды азаптап жатқаны, соның ішінде бір адамның құлағын кесіп, оны күштеп жегізгені туралы видеолар пайда болды.

Дүйсенбі күні кешке телевидение арқылы жоғары лауазымды шенеуніктермен өткен бейнеконференцияда сөйлеген сөзінде Путин қанды шабуылды «неонацистік Киев режимінің қолымен 2014 жылдан бері біздің елмен соғысып жатқандардың әрекеттері болуы мүмкін екенін» айтқан.

«Әрине, террористер қылмыс жасағаннан кейін Украинаға неге бармақ болды деген сұраққа жауап беру керек. Онда оларды кім күтіп тұрды?» деп қосты ол.

«Ислам мемлекеті» лаңкестік тобы жұма күні түнде кемінде 139 адамның өмірін қиған шабуылды өз мойнына алды.

Америка Құрама Штаттары бұл мәлімдемені растайтын барлау мәліметтері бар екенін және топ жалғыз әрекет еткен көрінеді деп мәлімдеді. Ал, Украина бұл шабуылға мүлде қатысы жоқ екенін айтты. 

Ал, демалыс күндері күдікті ретінде төрт Тәжікстан азаматы ұсталды. Олар: 32 жастағы Далерджон Мирзоев, 30 жастағы Саидакрами Рачабализода, 25 жастағы Шамсидин Фаридуни және 19 жастағы Мұхаммадсобир Файзов екені анықталды.

Дүйсенбі күні түстен кейін тағы үш ер адам қамауға алынды.

Фото: Inside the destroyed Crocus City Hall in Moscow CREDIT: Zuma Press / eyevine