Қазақстанда медицина қызметкерлеріне шабуыл жасау дерегі бойынша 50-ге жуық қылмыстық іс қозғалған

Бұл туралы Үкімет отырысында Денсаулық сақтау министрі Ақмарал Әлназарова мәлімдеді.

Министрдің айтуынша, биыл дәрігерлерге күш қолданғаны үшін жауапкершілік күшейтілді. Тиісті норма сәуір айында күшіне енген.

Қылмыстық кодекске енгізілген 380-3-бап медицина қызметкерлері мен жедел жәрдем жүргізушілері қызметтік міндетін атқару кезінде оларға күш көрсету немесе қоқан-лоқы жасау әрекеттері үшін жаза қарастырады.