Солтүстік Қазақстандағы бірнеше ауылға қазақша атау беріледі

— Қазақстан Республикасының әкімшілік-аумақтық құрылысы туралы» Заңының 11-бабы 4) тармақшасына сәйкес, Солтүстік Қазақстан облысы әкімдігінің жанындағы облыстық ономастика комиссиясының 2023 жылғы  4 шілдедегі қорытындысы негізінде және тиісті аумақ халқының пікірін ескере отыра Солтүстік Қазақстан облысының әкімдігі қаулы шығарып, Солтүстік Қазақстан облыстық мәслихаты шешім қабылдады:

Айыртау ауданының:

• Қамсақты ауылдық округінің Карасевка ауылына – Қамсақты;
• Володар ауылдық округінің Воскресеновка ауылына — Баянтай атауы беріледі.

Шал ақын ауданының:

• Кривощеков ауылдық округіне — Арай;
• Кривощеково ауылына — Арай ауылы атауы берілмек.

Әкімдік қаулысы мен облыстық маслихаттың бірлескен шешімі 7 қыркүйекке дейін көпшілік талқылауда болады.