«Талас-Ұлытау-Сарайшық» экспедициясы Сыр елінде болды

Алғаш болып экспедиция қатысушылары Сыр елінің мәдени ошағы Қызылорда облыстық тарихи-өлкетану музейіне экскурсия жасады. Қызылорда жерінің тарихымен танысып, құнды жәдігерлерін тамашалады.

Ары қарай Әбділда Тәжібаев атындағы облыстық кітапханада жергілікті тарихшы-ғалымдардың, археологтардың, музей басшылары мен қызметкерлерінің қатысуымен кездесу диалог, дөңгелек үстел өтті. Жергілікті ғалымдар мен экспедиция қатысушылары өзара пікір алмасып, еркін талқылау жасады.

Кейін экспедиция құрамы Қызылорда облысының тарихи-мәдени мұралар тізіміне енген ортағасырлық Қышқала қалашығында болды. Сыр өңіріндегі Қышқала қалашығы – ерекше сәулет ескерткіштерінің бірі. XIII-ХV ғғ. өмір сүрген қала орны 1243 жылдан бері Қышқала аталып келеді. Олай аталуының себебі – қала құрылысы күйдірілген қыштан құрылған. Ол Қызылорда облысының Қоғалыкөл ауылына 30 шақырым жерде орналасқан. Жалпы аумағы 40-50 шақырымды құрайды. 2018 жылы мамыр-маусым айларында тарих ғылымдарының докторы, аталмыш экспедициясы қатысушысы Мадияр Елеуовтің жетекшілігімен археологиялық зерттеу жүргізіліп, ортағасырлық сәулет өнерінің жарқын үлгісі аршылған болатын.

Экскурсия Қорқыт ата кешенінде жалғасып тапты. Қатысушылар кешенді аралап, видео түсірілім жасалды.

Осылайша республикалық тарихи-этнографиялық экспедициясытуы биік, тұғыры берік Қызылорда өңіріндегі сапарын аяқтап, Ақтөбе қаласына жолға шықты.

Нұрбек Дәуренбеков,

Қызылорда облысы