The Insider: Навальный түрмеде уланған

Құжаттың соңғы нұсқасында билік ресми нұсқаға сәйкес келмейтін белгілерге сілтемелерді барлық жерден әдейі алып тастағаны айтылады. Дәрігерлер растағандай, бұл белгілер Навальныйдың уланғанын анық көрсетеді.

Сонымен қатар, The Insider қылмыстық істі қозғаудан бас тарту туралы сот майоры Александр Варапаевтың қолы қойылған қаулының екі нұсқасы бар екенін жазады. Бұрынғы нұсқада Навальныйдың белгілері келесідей сипатталған:

«Сотталған Навальный А.А. 16.02.2024 жылы №2 ЭПКТ серуендеу алаңында жүргенде денсаулығының күрт нашарлағанын сезінген, бұл туралы мекемедегі кезекші қызметкерге хабарлаған, оны серуендеу ауласының аумағынан ЭПКТ №4 учаскесіне алып кеткен.

Одан әрі сотталған Навальный А.А. еденге жатқызылды, содан кейін ішінің қатты ауруына шағымдана бастады, оның асқазаны құрысып, есін жоғалтты, бұл туралы дереу түзеу мекемесінің медицина қызметкерлеріне хабарланды», делінген.

Сол қарардың кейінгі нұсқасында (ол түпнұсқа құжат) іштің ауыруы, құсу және құрысулар туралы барлық сөздер алынып тасталған. Бірақ The Insider-дегі тағы бір құжат - «тәркіленген заттардың» тізімі. Оның ішінде «құсу белгілері» бар және олар сараптамаға жіберілген. Бірақ ресми хабарламада сараптама да, құсу туралы ақпарат та айтылмайды.

Құжаттар саясаткердің әйелі Юлия Навальнаяның  «өлім алдындағы соңғы минуттарда іші қатты ауырғанына шағымданған» деген сөзін растайды.

2020 жылы Новичокпен уланғаннан кейін Навальныйды Омбы ауруханасында емдеген реаниматолог Александр Полупанның айтуынша, құжаттарда көрсетілген белгілер ресми нұсқаға сәйкес келмейді:

Өлімнің ресми себебі - жүрек аритмиясы - біз қарарда көретін белгілерге (іштің қатты ауыруы, құсу және құрысулар )сәйкес келмейді. Мұндай белгілерді уланудан басқа ештеңемен түсіндіру мүмкін емес. Іштің ауыруы мен құрысулар арасындағы қысқа уақыт кезеңі оның фосфорорганикалық зат болуы мүмкін екенін көрсетеді (Новичок та сол заттар класына жатады), бірақ теріге емес, ішкі қолдануға арналған, дейді ол.

The Insider-ге сұхбат берген әртүрлі мамандықтағы басқа дәрігерлер Полупанның тұжырымдарымен келіседі.

Сонымен қатар басылым, билік ұзақ уақыт бойы Навальныйдың денесін бермегенін және биоматериалдарды балама зерттеуге мүмкіндік қалдырмағанын жазады. Алайда, улану фактісі енді ғана құжатталған.