Трамп 8 мамырды ресми түрде "Жеңіс күні" деп жариялады

«Құрбан болған америкалық сарбаздарсыз бұл соғысты жеңу мүмкін болмас еді, және бүгінгі әлем мүлде басқа сипатта болар еді», — делінген Трамптың жарлығында. Сондай-ақ, ол АҚШ-тың «өз елін, бостандығын және Батыс өркениетін сақтау үшін жанын қиған әрбір адамның естелігін құрметтеу қажеттігін» атап өтті.

Ақ үйдегі сөзінде Трамп АҚШ Екінші дүниежүзілік соғыста жеңіске жеткен америкалықтарға «құрмет пен ілтипат көрсету қажет» екенін айтты.

«Осы аптада әлем бойынша Екінші дүниежүзілік соғыс одақтастары тойлауда, алайда Америка ешқашан осы жеңісті толықтай атап өткен жоқ, мұнда жеңіс негізінен бізге байланысты қол жеткізілді. Оны ұнатасыз ба, жоқ па — біз осы соғысқа кіріп, жеңіске жеттік, бірақ бізге бұл жолда көптеген ұлы адамдар мен одақтастар көмек көрсетті. Бірақ ешкім де біздің осы соғыстағы жетекші күшіміз болғанымызды жоққа шығармайды деп ойлаймын. Біз бұл жеңісті атап өтпейміз», — деді Трамп.

Бұған дейін Трамп 11 қараша — Америка ұлттық ардагерлер күні (Ұлыбританияда бұл күн Еске алу күні ретінде аталып өтеді) Бірінші дүниежүзілік соғыстағы жеңіс күні деп өзгерту туралы мәлімдеген болатын. Трамп бұл шешімді АҚШ-тың Германия империясына қарсы жеңіске қосқан үлесін әділ бағалаудың қажеттілігімен түсіндірді.