Жазылу
Украинада әскери жағдай мен жалпы мобилизация тағы үш айға ұзартылды
2025 жылдың 16 сәуірінде Украина Жоғарғы Радасы елдегі әскери жағдай мен жалпы мобилизацияның мерзімін тағы үш айға – 6 тамызға дейін ұзарту туралы шешім қабылдады. Бұл шешім президент Владимир Зеленскийдің жарлықтары негізінде қабылданды.
Бұл – Ресейдің Украинаға толыққанды басып кіруі басталған 2022 жылғы 24 ақпаннан бері әскери жағдай мен мобилизация мерзімінің он бесінші рет ұзартылуы.
Депутат Ярослав Железняктың мәліметінше, әскери жағдайды ұзартуды 357 депутат, ал мобилизацияны ұзартуды 346 депутат қолдап дауыс берген.
"Еуропалық ынтымақтастық" партиясының депутаты Алексей Гончаренко — бұл шешімге қарсы дауыс берген жалғыз депутат болды. Ол бұл ұстанымын алдын ала жариялап, билік әлі күнге дейін демобилизацияны бастамағанын және майдандағы әскерлерге ротация мерзімін белгілемегенін айтып түсіндірді.
Енді Украинадағы әскери жағдай мен мобилизация кем дегенде 2025 жылдың 6 тамызына дейін күшінде болады.
