Жобалар
Редакциямен байланыс
Жарнама
10:09, 01 Ақпан 2024

"Ұлттық қор" бағдарламасы бойынша балаларға алғашқы төлем түсті

Ұлттық қор
Фото:

"Ұлттық қор - балаларға" бағдарламасы бойынша алғашқы жинақтар түсе бастады, деп хабарлайды Zhasalash.kz.

"Ұлттық қор-балаларға" бағдарламасы бойынша БЖЗҚ-ға алғашқы нысаналы талаптар (18 жасқа дейінгі балаларға) есептелініп, нысаналы жинақтау шоттарына алғашқы нысаналы жинақтар (2024 жылы 18 жасқа толатын балаларға) түсті.

2024 жылдың 1 қаңтарынан бастап бағдарламаға 2023 жылдың соңындағы жағдай бойынша кәмелетке толмаған, Қазақстан азаматы болып есептелетін барлық бала қатысушы ретінде тіркелді. Бағдарламаға қатысушылардың жалпы саны - 6 919 131 бала (01.01.2006ж. бастап 31.12.2023ж. дейін туған балаларды қоса алғанда). Оның ішінде 304 815 қатысушы 2024 жылы 18 жасқа толады ( 01.01.2006ж. бастап 31.12.2006ж. дейін туылған балаларды қоса алғанда).

Олардың барлығына өткен жыл үшін Қазақстанның Ұлттық қорынан 100 АҚШ доллары және 52 центі мөлшерінде бірдей сома есептелді.