Қоғам

Жапонияда Сакурадзима жанартауы атқылады

Жапонияның оңтүстігіндегі Кагосима префектурасында орналасқан Сакурадзима жанартауы атқылады.

Жапония

Оқиға 21 қарашада жергілікті уақыт бойынша сағат 14:35-те болған. Атқылау салдарынан жанартау кратерінен шыққан күл бағаны 1,2 шақырым биіктікке дейін көтеріліп, оңтүстік-шығыс бағытқа тараған.

Жапония метеорологиялық агенттігі жанартау қаупінің деңгейін бес балдық шкала бойынша үшінші деңгейде қалдырды. Билік қауіпті аймаққа кіруге шектеу қойып, кратерлерден екі шақырым радиуста ірі тастардың ұшып шығу қаупі бар екенін ескертті.

Сакурадзима – Жапониядағы ең белсенді жанартаулардың бірі. Аралда шамамен 3,5 мың адам тұрады. Жергілікті тұрғындардың басым бөлігі ауыл шаруашылығы, балық аулау және туризм салаларында еңбек етеді.

Жанартауға бұғаз арқылы жақын орналасқан Кагосима қаласының халқы шамамен 600 мың адам.

Редакция «Все СМИ» желісіне қатысады.
Сайт Әкімшілігі
Сайт Әкімшілігі Сайт Әкімшілігі

Оқыңыз